أعمدة صحفية

فاصل و نواصل

2050 جائحة وقّعونا ...

 

سامي الطيب

لحدي اسي كل مهندسين العالم ما وجدوا تفسير منطقي للبنايات والعمارات البتقع بدون اي اسباب واضحة او منطقية العمارة الجديدة بتقع..
والقديمة بتقع ….كبار المهندسين في العالم الاول..
اكدوا انو 90 في المية من البنايات
وناطحات السحاب الوقعت مطابقة للمواصفات تماما
واكدوا خلال بحثهم اتضح ليهم في كتير من
البنايات غير مطابقة للمواصفات وما وقعت
كما اوضحوا لكل العالم انو مافي اي حتي
شبهة زلزال حتي..
البيوت بتقع بردلب بس …..

ايطاليا وقعت فيها ٥٠٠ بناية
ويومي بقعن ١٥ …. والحالات في زيادة
برطانية الف بناية و٣٠ بيت يومي بقعن
امريكا تلات مدن شبه انهارت تماما
وقال الرئيس الامريكي.. سجمان..
حلول الارض انتهت منتظرين فرج السماء..

المسلمين اكدوا انو دا غضب الله علي الكفار
ودي نتيجة فسوقهم ومعاصيهم وفتحهم للبارات..

واكد احد الشيوخ ….

انو المساجد لا تسقط مهما كان علاها
وطوابقها..
والناس تمشي المسجد عادي وتصلي..
وزير صحة منطقتنا ورغم اننا نسكن في بيوت
القش….
ولا يهمنا اذا انهدت بيوتنا او وقفت
لكن مهندسنا المسؤول قال الا نهاجر نمشي الخلا
عشان بيوت القش ما تقع فينا قلنا ليهو
بيوت القش لو وقعت ما بتقتل واخير لينا
نقعد بدل نمشي الخلا ..
ويكون الاكل والشراب في تلتلة
قال لينا تمشوا بس……

هنا امام المسجد وجماعته اكد للناس… الصلاة
وحدها والاعتكاف في المسجد سينجي الناس
من مصيبة وقعونا …
كتيير من اهل المنطقة سمعوا كلام شيخ الاسلام
ومشوا اعتكفوا في المسجد بشكل دايم..
ومجموعة.. سمعت كلام المهندس ورتبت حالة للخلا..
وانا في حيرة من امري
وقاعد افكر بعمق امشي وين
سمعت صوت وقوع بناية بصورة مرعبة
جدا..
رفعت رأسي لم ار مأذنة الجامع
كما اتعودت اشوفها كل ما رفعت
راسي اتجاه الشرق.

سامي الطيب.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق